Todo isto somos conscientes que se consegue con valentía. Narón está a décadas de moitos concellos e non con pequenos xestos solucionamos o problema. Narón segue a ter moitísimos impedimentos para moverse con seguridade e non temos sequera unha rúa peatonal, un centro comercial aberto que promova o comercio local, as marquesinas seguen sen ser accesíbeis, as beirarrúas, os/as runners corren pola estrada por non ter espazos ou os apeadeiros do tren están alonxados das zonas nas que vivimos.
Precisaríamos plans directores para cada barrio e parroquia.
Un apartado merece o rural: abandonado a súa sorte en saneamento, infraestruturas, plataforma única e, sen perspectiva de atender as súas demandas.
Na zona urbana, seguimos a precisar o vehículo privado (coma no rural). non atendemos tampouco os nosos edificios históricos e deixamos que por exemplo, Xuvia que foi anosa sede e pola que pasa o camiño inglés e de Santo André, non teña tan sequera un posto de información turísitca que fale dos muíños, da nosa historia. Queremos e cremos que o Plan de Mobilidade vai ser unha oportunidade pero para iso fai falta que escoitemos, queramos aprender e que o concello teña a valentía política para transformar o mellor Narón que van desfrutar os nosos nenos e nenas. Porque ademais isto potenciaría a economía, o noso comercio e emprendemento e tamén a nosa saúde. Outro Narón é posíbel, un Narón no que soñar e cumprir os nosos soños. Comecemos da mellor maneira con ideas, proxecto e ilusión, sabemos que os concellos BNG son exemplo do modelo a desenvolver e nós queremos ese modelo para Narón.
(A imaxe (un exemplo +) foi tomada na vía do tren en Freixeiro, exemplo do tempo de demora en porlle solucións aos problemas pero onde se debe actuar non só para o paso da vía, se non nas rúas da contorna para unha mellor mobilidade de toda a veciñanza)